បាក់ឌុប ២០២៤៖ ប្រវត្តិវិទ្យាជាមុខវិជ្ជាជម្រើសថ្នាក់វិទ្យាសាស្រ្ត និងផែនដី និងបរិស្ថានវិទ្យាជាមុខវិជ្ជាជម្រើសថ្នាក់វិទ្យាសាស្រ្តសង្គម
រាជធានីភ្នំពេញ៖ លោកឧបនាយករដ្ឋមន្រ្តី ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានជម្រាបជូនទៅកាន់ប្រធានមន្ទីរអប់រំ យុវជន និងកីឡា រាជធានី-ខេត្ត ឱ្យបានជ្រាបថា វិញ្ញាសាជម្រើសសម្រាប់ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២៤ រួមមាន៖ វិញ្ញាសា ប្រវត្តិវិទ្យា ជាមុខវិជ្ជាជម្រើសសម្រាប់ថ្នាក់វិទ្យាសាស្រ្ត និងវិញ្ញាសា ផែនដី និងបរិស្ថានវិទ្យា ជាមុខវិជ្ជាជម្រើសថ្នាក់វិទ្យាសាស្រ្តសង្គម។
សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២៤ នឹងត្រូវធ្វើឡើងនាថ្ងៃទី០៨ ខែតុលា ឆ្នាំ២០២៤៕
